View this email in your browser
Cylchlythyr Gorffennaf 2025
Croeso i'm e-gylchlythyr diweddaraf sy'n rhoi diweddariadau am yr hyn rydw i wedi bod yn ei wneud yn yr etholaeth ac yng Nghaerdydd.
Yn ystod mis Mehefin, cawsom y newyddion siomedig bod apêl yn erbyn penderfyniad a fydd yn arwain at gau canolfan Ambiwlans Awyr y Trallwng wedi methu ar ôl dyfarniad yn yr Uchel Lys. Mae fy niweddariadau llawn yn darparu mwy o newyddion ar y mater hwn.
Os hoffech gwrdd â mi i drafod unrhyw fater neu os gallaf helpu mewn unrhyw ffordd, anfonwch e-bost ataf yn [email protected] neu ffoniwch fy swyddfa ar 01686 610887.
Ymgyrch i Achub Canolfan AmbiwlansAwyr Cymru yn y Trallwng
Yn ystod mis Mehefin, cawsom y newyddion siomedig bod apêl yn erbyn penderfyniad a fydd yn arwain at gau canolfan Ambiwlans Awyr y Trallwng wedi methu ar ôl dyfarniad yn yr Uchel Lys. Mae fy niweddariadau llawn yn darparu mwy o newyddion ar y mater hwn.
Roedd hwn yn ganlyniad anhygoel o siomedig. Rydw i wedi bod yn falch o weithio ochr yn ochr ag eraill a bod yn rhan o'r grŵp ymgyrchu sydd wedi herio'r penderfyniad hwn dros y tair blynedd diwethaf.
Fel grŵp, rydyn ni wedi cyfarfod i drafod opsiynau apêl, ac yn fwy eang, sut y gallwn ddwyn i gyfrif y cyrff perthnasol sydd wedi honni y byddai'r newidiadau arfaethedig yn arwain at wasanaeth gwell.
Rydw i am dalu teyrnged i'r unigolion niferus a frwydrodd yn ddiflino i herio cau'r ganolfan yn y Canolbarth, boed hynny drwy ddeisebau, codi arian, neu ymgyrchu cyhoeddus. Mae hon wedi bod yn ymgyrch anhygoel ac mae wedi dangos cryfder teimladau ar draws ein cymunedau.
Rheoli'r Tafod Glas yng Nghymru
Mae Russell George yn herio'r Prif Weinidog ynghylch y Polisi ar y Tafod Glas.
Mae penderfyniad Llywodraeth Cymru i beidio ag alinio â Lloegr o 1 Gorffennaf o ran polisi’r tafod glas yn un trychinebus, ac yn un a fydd yn costio'n sylweddol i economi’r Canolbarth.
Mae’r tafod glas yn glefyd firaol sy’n effeithio ar dda byw sy’n cnoi cil. Nid yw'r clefyd yn heintio pobl ac ni ellir ei ledaenu mewn cig neu laeth. Mae'n cael ei ledaenu gan frathiadau gwybed. Gall achosi salwch mewn yn y da byw sy’n cael eu heffeithio, gan leihau eu cynnyrch llaeth, a lleihau eu perfformiad atgenhedlu, gan gynnwys colli ŵyn a lloi heintiedig. Yn yr achosion mwyaf difrifol, gall achosi marwolaeth.
Rydw i wedi siarad yn eang â'r rhai sy'n ymwneud â'r sector, ac wedi codi'r mater sawl gwaith yn y Senedd.
Diogelu Gwasanaethau Strôc yn Ysbyty Bronglais
Bydd cynlluniau sy'n cael eu hystyried gan Fwrdd Iechyd Prifysgol Hywel Dda, gan gynnwys israddio Gwasanaethau Strôc ym Mronglais, yn cael goblygiadau dinistriol i ni yn y Canolbarth.
Mynychodd 400 o bobl gyfarfod cyhoeddus yn y Neuadd Fawr, Canolfan y Celfyddydau Aberystwyth ar 20 Mehefin, gyda phobl yn teithio o bell ac agos i fynychu.
Y farn glir oedd na fydd y cynigion ar gyfer cael gwared ar yr Uned Strôc ym Mronglais, ac ar gyfer model 'Trin a Throsglwyddo' (i drosglwyddo cleifion strôc ymlaen i Ysbytai Llanelli neu Lwynhelyg) yn achub bywydau.
Roeddwn i'n falch o fod yn un o’r anerchwyr. Dydy taith yno ac yn ôl o bedair awr i aelod o'r teulu o Lanidloes neu Fachynlleth i ymweld â pherthynas sydd angen cymorth i'w adsefydlu ddim yn dderbyniol. Siaradodd cyn-glinigwyr hefyd gan ddweud bod y cynlluniau yn anymarferol ac yn beryglus.
Rydyn ni bellach yn nhrydedd wythnos yr ymgynghoriad cyhoeddus ar y cynigion hyn. Diolch i dîm ymgyrch Amddiffyn Gwasanaethau Bronglais am eu gwaith a'u hymdrechion.
Cynhelir 'cyfarfod galw heibio' hefyd ddydd Llun 7 Gorffennaf 2025, rhwng 2.00pm a 7.00pm, yn Y Plas, Machynlleth. Trefnwyd y cyfarfod hwn gan Fwrdd Iechyd Powys. Byddaf hefyd yn mynychu'r cyfarfod hwn.
Mae rhagor o wybodaeth ar gael yn yr Ymgynghoriad ar y Clinical Services Plan Consultation - Hywel Dda University Health Board
Trenau gorlawn ac annibynadwy
Russell George AS yn rhannu pryderon am y Llinell rhwng Aberystwyth ac Amwythig.
Yn y Senedd, codais eto yn ddiweddar yr angen i gyflwyno gwasanaeth bob awr, gydol y flwyddyn ar linell y Cambrian rhwng Aberystwyth ac Amwythig.
Codais hyn yn dilyn cyfarfod gyda Chymdeithas Teithwyr Rheilffyrdd Amwythig – Aberystwyth (SARPA), ac rwyf wedi bod yn pwyso ar Lywodraeth Cymru i gyflawni addewidion hirsefydlog i wella gwasanaethau.
Mae pobl ledled y Canolbarth wedi goddef trenau gorlawn ac addewidion gwag ers rhy hir, ac roeddwn i'n teimlo ei bod yn hanfodol codi hyn yn uniongyrchol gyda'r Ysgrifennydd Trafnidiaeth.
Yn dilyn hyn, yr wythnos diwethaf fe wnes i gynnal cyfarfod gyda Phrif Swyddog Gweithredol Trafnidiaeth Cymru ochr yn ochr ag etholwyr lleol o SARPA ac unwaith eto cyflwynais yr achos dros wasanaeth llawn bob awr gan godi mater trenau annibynadwy.
Crynodeb o gyfarfodydd mis Mehefin
Roeddwn i eisiau rhoi crynodeb o rai o'r cyfarfodydd rydw i wedi'u mynychu yn ystod yr wythnosau diwethaf yn y Senedd.
Cefais gyfarfod â'r Horticultural Trades Association (HTA) yn y Senedd. Mae'r HTA yn cynrychioli 85 o fusnesau yng Nghymru a bron i 1,400 ledled y DU. Buom yn trafod eu Strategaeth Twf Garddwriaeth Amgylcheddol newydd yng Nghymru, sy'n nodi wyth nod allweddol ar gyfer Cymru wyrddach, iachach a mwy gwydn: https://hta.org.uk/policy/wales
Cynhaliais gyfarfod hefyd ag arbenigwyr yr wythnos hon i ddysgu mwy am glefyd rhwystrol cronig yr ysgyfaint (COPD) sy'n glefyd cyffredin yr ysgyfaint sy'n achosi peswch, gwichian, a blinder. Fe wnaethom drafod y cynnig "Anwybyddu neu Archwilio COPD" a sut y gallai cyflwyno Archwiliadau Iechyd yr Ysgyfaint drawsnewid gofal. Mae'r model 'Frontier' llwyddiannus yn Hull yn dangos sut y gall sgrinio cynnar wneud gwahaniaeth go iawn. Rwy'n gobeithio y gall Cymru arwain y ffordd wrth fynd i'r afael â COPD a gwella canlyniadau i gleifion.
Mynychais dderbyniad blynyddol y Gymdeithas Clefyd Niwronau Motor ar gyfer Diwrnod Ymwybyddiaeth Clefyd Niwronau Motor Byd-eang. Profiad teimladwy oedd clywed gan Mandy Benbow o Lanidloes, a rannodd yr heriau y mae hi a'i theulu wedi'u hwynebu wrth gael mynediad at ofal, adnoddau a seibiant. Amlinellodd tîm y Gymdeithas Clefyd Niwronau Motor eu blaenoriaethau ar gyfer gwella cymorth a gwasanaethau, ac rwy'n ymrwymedig i godi ymwybyddiaeth a gwthio am well gofal - ac yn y pen draw dyfodol rhydd o Glefyd Niwronau Motor.
Ffermio yw asgwrn cefn ein heconomi wledig, ac roeddwn i’n falch o gwrdd â ffermwyr a mynychu lansiad maniffesto newydd NFU Cymru "Ffermio Cymru: Tyfu Ymlaen" yn y Senedd. Mae'n nodi blaenoriaethau allweddol, gan gynnwys strategaeth fwyd gynhwysfawr o'r fferm i'r fforc, polisïau i gefnogi cynhyrchu, ymrwymiad i gael mwy o gynnyrch Cymreig yn y sector cyhoeddus, a chyllideb ffermio aml-flwyddyn yn ogystal â mynd i'r afael â materion hanfodol fel TB mewn gwartheg ac ansawdd dŵr.
Hyrwyddir gan Russell George AS, 13 Parkers Lane, Y Drenewydd, SY16 2LT
Mae costau'r cyhoeddiad hwn wedi’u talu gan Gomisiwn y Senedd o arian cyhoeddus.
Ydych chi eisiau newid sut rydych chi'n derbyn yr e-byst hyn?
Gallwch chi update your preferences o'r unsubscribe from this list.
